जनकपुर, १ जेष्ठ । जनमत पार्टीले मधेश प्रदेशका मुख्यमन्त्री कृष्णप्रसाद यादव विरुद्ध विश्वासको मतमा मतदान गर्न आफ्ना सांसदलाई ह्वीप जारी गरेको छ ।
बिहीबार बसेको संसदीय दलको बैठकले सांसदलाई अनिवार्य उपस्थित भई विश्वासको प्रस्तावको विपक्षमा मतदान गर्न निर्देशन दिएको हो ।
यसअघि जनमतले वैशाख २१ गते सरकारलाई दिएको समर्थन फिर्ता लिएको थियो । यद्यपि पार्टीका अर्थमन्त्री महेशप्रसाद यादव र समाज कल्याण तथा खेलकुद मन्त्री बसन्त कुशवाहा अझै पदमै छन् ।
१०७ सदस्यीय मधेश प्रदेश सभामा जनमतका १२ सांसद रहेका छन् ।
