काठमाडौं, ३१ वैशाख । श्रम संस्कृति पार्टीका अध्यक्ष एवं सांसद हर्कराज राई -साम्पाङ) ले नीति तथा कार्यक्रममाथि उठेका प्रश्नको जवाफ प्रधानमन्त्री स्वयंले दिनुपर्ने अडान राखेका छन् ।
प्रतिनिधिसभाको बिहीबारको बैठकमा बोल्दै उनले प्रधानमन्त्री उपस्थित भएर सांसदहरूको कुरा सुन्न र आफैं उत्तर दिनुपर्ने बताए ।
साम्पाङले प्रधानमन्त्री उपस्थित नभए आफ्नो दल श्रम संस्कृति पार्टी बैठकबाट बाहिरिने चेतावनी दिएका छन् । उनले आफ्नो बिहेमा अरूलाई बेहुला पठाएर हुँदैन भन्दै प्रधानमन्त्रीकै उपस्थितिमा जवाफ आउनुपर्ने टिप्पणी गरे ।
