काठमाडौँ, १५ चैत । नेकपा एमालेको प्रदर्शनलाई लक्षित गर्दै नेपाल प्रहरीले देशभर बिहान ८ बजेदेखि स्ट्याण्डबाई ड्युटी लागू गरेको छ भने सशस्त्र प्रहरीको गस्ती पनि बढाइएको छ ।
ओली र रमेश लेखकको पक्राउविरुद्ध एमालेले देशभर विरोध कार्यक्रम गर्दै आज जिल्ला प्रशासन कार्यालयमा ज्ञापनपत्र बुझाउने तयारी गरेको छ ।
सुरक्षा संवेदनशीलता ध्यानमा राख्दै निषेधित क्षेत्र, महत्वपूर्ण स्थान तथा व्यक्तिहरुको सुरक्षामा कडाइ गरिएको छ । प्रहरीलाई बिदा नदिनुका साथै अतिरिक्त जनशक्ति परिचालन गरिएको जनाइएको छ ।
