काठमाडौं, १३ चैत । प्रधानमन्त्री बालेन्द्र शाह नेतृत्वको मन्त्रिपरिषद्मा अर्थमन्त्रीको जिम्मेवारी पाएका डा. स्वर्णिम वाग्लेले राजस्व अनुसन्धान विभागसहित १५ ऐन खारेज गर्ने पहिलो निर्णय गरेको छ ।
उनले १३ चैतभित्र पछिल्लो आर्थिक स्थितिपत्र (ह्वाइटपेपर) तयार पार्न कार्यदल गठन गर्ने निर्णय पनि गरेका छन् । वाग्लेले प्रणालीगत समस्या समाधान गर्दै रूपान्तरणकारी बजेट तयारीमा जुट्ने योजना बनाएको हो ।
अर्थमन्त्रीका अनुसार, उच्चस्तरीय आर्थिक सुधार सुझाव आयोगका सिफारिसअनुसार पुराना कानुन संशोधन गर्दै कार्यदलले आवश्यक अध्ययन र कार्यान्वयन योजना तयार गर्नेछ ।
उनले बजेटमा केन्द्रित हुने, निजी उद्यमको सुरक्षा सुनिश्चित गर्ने र ठूला आयोजना तीव्र बनाउन सहजीकरण गर्ने तयारी पनि अघि सारेका छन् ।
