काठमाडौं, १३ चैत । बालेन्द्र शाहले प्रधानमन्त्री पदको शपथ ग्रहण गरेको छण् । उनलाई रामचन्द्र पौडेलले शीतल निवासमा आयोजित समारोहमा पद तथा गोपनीयताको शपथ गराएको हो ।
संविधानको धारा ७६ (१) अनुसार प्रतिनिधिसभामा बहुमत प्राप्त दलका नेताको हैसियतमा शाह प्रधानमन्त्री नियुक्त भएका हुन् ।
काठमाडौं महानगरपालिकाको मेयर पदबाट राजीनामा दिएर चुनाव लडेका उनी पहिलोपटक संसद् प्रवेशसँगै प्रधानमन्त्री बनेका छन् ।
उनले रक्षा र उद्योग मन्त्रालय पनि आफैं सम्हालेका छन्। मन्त्रिपरिषद्मा स्वर्णिम वाग्ले अर्थमन्त्री, सुधन गुरुङ गृहमन्त्री, शिशिर खनाल परराष्ट्रमन्त्री, विराजभक्त श्रेष्ठ ऊर्जा मन्त्रीलगायत अन्य मन्त्रीहरू नियुक्त भएका छन् ।
नयाँ सरकारले विभिन्न मन्त्रालयमा जिम्मेवारी बाँडफाँट गर्दै काम सुरु गरेको छ।
