काठमाडौं, १३ चैत। ३६ वर्षीय बालेन्द्र शाह (बालेन) आज नेपालको नयाँ प्रधानमन्त्री बन्ने भएका छन् ।
राष्ट्रपति रामचन्द्र पौडेलले शीतल निवासमा दिउँसो १२:३४ बजे उनलाई पद तथा गोपनीयताको शपथ गराउने कार्यक्रम तय भएको छ ।
शपथपछि बालेनले दिउँसो सवा २ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा पदबहाली गर्नेछन् ।
समारोहमा वैदिक तथा बौद्ध परम्पराअनुसार शंखनाद, स्वस्ती वाचन र अष्टमंगल पाठ गरिनेछ ।
प्रधानमन्त्रीसँगै मन्त्रीहरूको पनि शपथ गराइनेछ भने विभिन्न दल, कूटनीतिक नियोग, नागरिक समाज र उच्च सरकारी अधिकारीहरूलाई कार्यक्रममा आमन्त्रण गरिएको छ ।
संविधानको धारा ७६(१) अनुसार रास्वपाको एकल सरकार गठन हुन लागेको हो । हालै सम्पन्न निर्वाचनमा रास्वपाले १८२ सिट जितेको थियो र शाहलाई संसदीय दलको नेता चयन गरिएको थियो ।
