काठमाडौं, १० चैत । बालेन शाह नेतृत्वको सरकारमा को–को मन्त्री बन्ने भन्ने विषयमा अन्तिम गृहकार्य भइरहेको पार्टीको सचिवालयले बताए ।
केही मन्त्रालयका जिम्मेवारी टुंगो लागिसके पनि बाँकी विषयमा पार्टी सभापति रवि लामिछानेले छलफल गरिरहेको छ । बालेन शाहले चैत १३ गते प्रधानमन्त्री पदको शपथ लिने तयारी गरेका छन् । सोही दिन सानो आकारको मन्त्रिपरिषद गठन गर्ने योजना रहेको हो । हाल १५ देखि १८ सदस्यीय मन्त्रिपरिषद बनाउने विषयमा छलफल भइरहेको जनाए ।
चुनावी प्रतिबद्धता अनुसार मन्त्रालयको संख्या सीमित राख्ने रणनीति पार्टीले अघि सारेको छ । सरकारलाई चुस्त बनाउन केही मन्त्रालय गाभ्ने तयारी पनि भइरहेको नेताहरूले बताएको छ । प्रधानमन्त्रीसँगै बालेन शाहले रक्षा मन्त्रालय सम्हाल्ने चर्चा छ । उपसभापतिहरू डीपी अर्याल र स्वर्णिम वाग्ले मन्त्री बन्ने सम्भावना बलियो रहेको छ ।
उनीहरूलाई गृह, अर्थ वा भौतिक पूर्वाधार मन्त्रालयमध्ये कुनै जिम्मेवारी दिने विषयमा छलफल भएईहेको छ । युवा तथा खेलकुद मन्त्रालयका लागि सुदन गुरुङ तथा पर्यटन वा सञ्चार मन्त्रालयका लागि मनिष झाको नाममा पनि छलफल भइरहेको छ ।
