काठमाडौं, १० फागुन । सरकारले जेन–जी प्रदर्शनका क्रममा घाइते भएकाहरूको विवरण तत्काल उपलब्ध गराउन सबै स्वास्थ्य संस्थालाई निर्देशन दिएको छ ।
स्वास्थ्य तथा जनसङ्ख्या मन्त्रालयका प्रवक्ता डा. प्रकाश बुढाथोकीका अनुसार घाइतेहरूको सूचीकरण, वर्गीकरण तथा पुनःवर्गीकरणका लागि फागुन १ देखि १५ गतेभित्र विवरण मन्त्रालयमा बुझाउन भनिएको हो ।
हालसम्म २०० जना घाइतेको मात्र विवरण प्राप्त भएको छ भने मन्त्रालयको तथ्याङ्कअनुसार जेन–जी प्रदर्शनमा कुल २ हजार ५९९ जना घाइते भएका छन्।
फागुन १५ गतेभित्र आएका निवेदन छानबिन गरी अन्तिम नामावली सार्वजनिक गरिने जनाइएको छ । सरकारले अतिगम्भीर र गम्भीर घाइते तथा स्याहारकर्तालाई मासिक ९ हजार र मध्यम घाइतेलाई मासिक ४ हजार रुपैयाँ उपलब्ध गराउने निर्णय गरेको छ ।
