बारा, १५ माघ । बाराको परवानीपुर गाउँपालिका–१ रहरियामा भएको आमा–छोरा हत्याकाण्डमा मृतककी पत्नी र उनका प्रेमी पक्राउ परेका छन् ।
२८ वर्षीय रामेश्वर मण्डल र उनकी ४६ वर्षीया आमा सुमित्रा देवी मण्डलको घाँटी रेटेर हत्या गरिएको प्रहरीले जनाएको छ । प्रहरी अनुसन्धानबाट मृतककी पत्नी २३ वर्षीया मनिता देवी मण्डल र उनका प्रेमी धर्मेन्द्र महतोले योजनाबद्ध रूपमा हत्या गराएको खुलेको छ ।
धर्मेन्द्र वैदेशिक रोजगारीबाट माघ १२ गते नेपाल फर्किएपछि हत्या कार्यान्वयन भएको हुनसक्ने प्रहरीको आशंका छ । प्रहरीले घटनामा ‘सुपारी’ हत्या भएको हुनसक्ने सम्भावनासमेत औंल्याउँदै अन्य व्यक्तिको संलग्नता खोजी गर्न विशेष अनुसन्धान टोली खटाएको छ ।
मोबाइल विवरण, कल रेकर्ड र सिसी क्यामरा फुटेजको आधारमा थप पक्राउ पर्न सक्ने प्रहरीले जनाउको छ ।
