काठमाडौं, १४ माघ। श्रमजीवी पत्रकारका न्यायोचित मागहरू पटक–पटक उठाउँदा पनि व्यवस्थापन पक्षले बेवास्ता गरेपछि नेपाल पत्रकार महासंघले बुधबार बिहान नागरिक दैनिकको व्यवस्थापन कक्षमा तालाबन्दी गरेको छ।
महासंघले नागरिक दैनिकका प्रबन्ध निर्देशक तथा प्रमुख कार्यकारी अधिकृत (सीईओ) को कार्यकक्षमा तालाबन्दी गर्दै श्रम ऐन तथा सम्झौताअनुसार पत्रकारका अधिकार सुनिश्चित गर्न माग गरेको हो।
महासंघका अनुसार लामो समयदेखि तलब, सेवा–सुविधा, करार नवीकरण तथा श्रमजीवी पत्रकार ऐनअनुसारका अन्य अधिकार कार्यान्वयनको माग गरिँदै आए पनि व्यवस्थापनले गम्भीरता नदेखाएपछि बाध्य भएर दबाबमूलक कार्यक्रम सुरु गरिएको हो।
महासंघले माग पूरा नभएसम्म आन्दोलनका कार्यक्रमलाई थप कडा बनाइने चेतावनी समेत दिएको छ। उता, नागरिक दैनिकको व्यवस्थापन पक्षले भने महासंघको कदमप्रति आपत्ति जनाउँदै आफ्ना तीन जना श्रमजीवी पत्रकारलाई समेत पक्षकार बनाएर नेपाल पत्रकार महासंघविरुद्ध उच्च अदालतमा मुद्दा दायर गरेको छ।
व्यवस्थापनले कानुनी प्रक्रियामार्फत समस्या समाधान खोज्ने दाबी गरेको छ
