जनकपुर, ११ माघ । मधेश प्रदेशमा सम्पन्न राष्ट्रियसभा सदस्य निर्वाचन २०८२ को अन्तिम मत परिणाम सार्वजनिक भएको छ ।
निर्वाचनमा महिला, अल्पसंख्यक, दलित र अन्य गरी चारवटै क्लस्टरका सदस्यहरू निर्वाचित भएका छन् । महिला क्लस्टरतर्फ नेकपा (एमाले) की उम्मेदवार रेखा झा ७ हजार २२२ मतभार प्राप्त गर्दै विजयी भएकी छन् ।
उनका प्रतिस्पर्धी नेकपा की शमी कुमारी अग्रवालले १ हजार ९४४ मतभार ल्याइन् भने जसपाकी चन्द्रकला देवी साह ३२२ मतभारमै सीमित भइन् ।
अल्पसंख्यक क्लस्टरतर्फ नेपाली कांग्रेसका रंजित कर्ण ८ हजार ९३ मतभारसहित विजयी भए । नेकपा का रामनन्दन प्रसादले १ हजार ३६१ मतभार र जसपाका शैलेश कुमार चौधरीले २७७ मतभार प्राप्त गरे ।
दलित क्लस्टरतर्फ पनि नेपाली कांग्रेसकै धर्मेन्द्र पासवान ७ हजार ९०४ मतभारका साथ विजयी भए । नेकपा का रामनन्दन प्रसादले १ हजार ३७६ र जसपाकी चमेली देवी दासले २०९ मतभार ल्याइन् ।
अन्य क्लस्टरतर्फ जनता समाजवादी पार्टी (जसपा) का महन्थ ठाकुर ७ हजार ७२५ मतभारसहित निर्वाचित भए । उनका निकटतम प्रतिस्पर्धी नेकपा का लक्ष्मण पौडेलले १ हजार ८०५ मतभार प्राप्त गरे ।
निर्वाचनमा मधेश प्रदेशका १०० प्रदेशसभा सदस्यमध्ये ९९ जना तथा २६४ स्थानीय तहका प्रमुख–उपप्रमुखमध्ये २४२ जनाले मतदान गरेका थिए ।
