जनकपुर, १० माघ । देशभर कुष्टरोगको सबैभन्दा उच्च जोखिम मधेश प्रदेशमा रहेको तथ्यांक सार्वजनिक भएको छ ।
हाल देशभर २ हजार ४०९ कुष्टरोगीमध्ये ८५७ जना मधेश प्रदेशमा रहेका छन् । ७३औँ कुष्टरोग दिवसका अवसरमा प्रस्तुत तथ्यांकअनुसार नयाँ कुष्टरोगी पत्ता लाग्ने दर पनि मधेशमा राष्ट्रिय औसतभन्दा उच्च छ ।
स्वास्थ्य निर्देशनालय मधेश प्रदेशका कुष्टरोग अधिकृत राजवीर यादवका अनुसार यस आर्थिक वर्षमा मधेशमा ५८ जनामा मात्र नयाँ कुष्टरोग पुष्टि भएको छ ।
यद्यपि, पर्याप्त लगानी अभाव, अपाङ्गता दर र सामाजिक भेदभाव अझै चुनौतीका रूपमा रहेको बताइएको छ ।
