भक्तपुर, ९ माघ । भक्तपुरको मध्यपुरथिमि–२ सानोठिमीस्थित बाल सुधारगृहमा दुई समूहबीच झडप हुँदा आगजनी र तोडफोड भएको छ ।
गएराति भएको झडपपछि स्थिति नियन्त्रणमा लिन प्रहरी र सशस्त्र प्रहरी परिचालन गरिएको थियो । आक्रोशित समूहले प्रहरीमाथि ढुङ्गामुढा गरेपछि स्थिति तनावपूर्ण बनेको थियो भने मध्यरातमा आगजनीसमेत भएको थियो ।
दमकलको सहयोगमा आगो निभाइएपछि हाल अवस्था नियन्त्रणमा आएको छ । क्षतिको विवरण आउन बाँकी रहेको छ ।
