काठमाडौं, ९ माघ । प्रतिनिधिसभा सदस्यका उम्मेदवारले आज दिउँसो १ बजेसम्म नाम फिर्ता लिन सक्ने निर्वाचन आयोगले जनाएको छ ।
निर्वाचन कार्यतालिकाअनुसार आजै दिउँसो १ देखि ३ बजेसम्म उम्मेदवारको अन्तिम नामावली प्रकाशन गरिनेछ भने अपरान्ह ४ देखि ७ बजेसम्म निर्वाचन चिह्न प्रदान गरिनेछ ।
देशभरका १६५ निर्वाचन क्षेत्रमा कुल ३,४८६ उम्मेदवारी दर्ता भएका छन्, जसमा ३,०८९ पुरुष, ३९६ महिला र एक जना अन्य उम्मेदवार रहेका छन् ।
