सर्लाही, ८ माघ । सर्लाही प्रतिनिधिसभा क्षेत्र–२ मा फागुन २१ गते हुने निर्वाचनका लागि पुराना प्रतिस्पर्धी राजेन्द्र महतो र महेन्द्रराय यादव फेरि आमनेसामने भएका छन् ।
विगतदेखि प्रतिद्वन्द्वी रहेका यी दुईसँगै यसपटक नेपाली कांग्रेसका डा. सरोज कुमार, रास्वपाका रविन महतो र जनमत पार्टीका ई. विपिन कापडलगायत नयाँ उम्मेदवार थपिँदा चुनावी प्रतिस्पर्धा रोचक बनेको छ ।
२०७९ को निर्वाचनमा माओवादी केन्द्रको चुनाव चिह्न लिएर मैदानमा उत्रिएका यादव विजयी भएका थिए भने लोसपाका महतो उपविजेता बनेका थिए ।
यादव र महतोबीच २०७० यता विभिन्न निर्वाचनमा निरन्तर प्रतिस्पर्धा हुँदै आएको छ ।
