काठमाडौंं, ६ माघ । कार्यवाहक प्रमुख निर्वाचन आयुक्त रामप्रसाद भण्डारीले देशभरका १६५ निर्वाचन क्षेत्रमा शान्तिपूर्ण रूपमा उम्मेदवारले मनोनयनपत्र दर्ता सम्पन्न भएको बताएका छन्।
उनले यसले मतदाताको मतदान गर्न पाउने अधिकार सुरक्षित हुने वातावरण सिर्जना गरेको बताए । भण्डारीका अनुसार, मनोनयनपत्र दर्ता भएका उम्मेदवारको दावी–विरोधको छानबिन गरी अन्तिम नामावली प्रकाशित गरिनेछ र माघ ९ गते निर्वाचन चिह्न प्रदान गरिनेछ।
निर्वाचन प्रचारप्रसारका ठूला कार्यक्रम फागुन ४ पछि मात्रै गर्न पाउने व्यवस्था छ। आयोगले चारवटै सुरक्षा निकाय परिचालन गरी फागुन २१ को निर्वाचन सफलतापूर्वक सम्पन्न गराउने प्रतिबद्धता जनाएको छ।
साथै आयोगले जारी गरेको सजायमुखी निर्वाचन आचारसंहिता पालना गर्न सबै उम्मेदवार र दलहरूलाई आह्वान गरिएको छ।
