जनकपुर, ६ माघ । धनुषा निर्वाचन क्षेत्र नम्बर २ बाट समाजसेवी जयनाथ अधिकारीले स्वतन्त्र रूपमा प्रतिनिधिसभा सदस्यको उम्मेदवारी दर्ता गराएका छन् ।
उनले समाजको समग्र विकास, स्थानीय समुदायको सशक्तिकरण र समान अवसर सुनिश्चित गर्ने उद्देश्यसहित निर्वाचन कार्यालयमा मनोनयन दर्ता गराएका हुन् ।
उम्मेदवारी दर्तापछि अधिकारीले परम्परागत दलहरूले सम्बोधन गर्न नसकेका मुद्दा स्वतन्त्र रूपमा संसदमा उठाउने प्रतिबद्धता व्यक्त गरे ।
उनले स्वास्थ्य, शिक्षा, रोजगारी र पूर्वाधार सुधारलाई प्राथमिकतामा राख्दै पारदर्शी र सहभागी निर्णय प्रक्रियामा जोड दिए । स्थानीय स्तरमा उनको उम्मेदवारीप्रति सकारात्मक प्रतिक्रिया देखिन थालेको छ ।
