धनुषा, ६ माघ । नेकपा एमालेका प्रतिनिधिसभा सदस्य पदका उम्मेदवार उमा शंकर अरगरियाले धनुषा निर्वाचन क्षेत्र नम्बर २ बाट उम्मेदवारी मनोनयन दर्ता गराएका छन् ।
उनले विदेह नगरपालिकास्थित निर्वाचन अधिकृतको कार्यालयमा पुगेर औपचारिक रूपमा मनोनयन दर्ता गराएका हुन् । मनोनयन दर्ताका क्रममा एमालेका स्थानीय नेता, कार्यकर्ता तथा समर्थकहरूको उल्लेख्य उपस्थिति रहेको थियो ।
अरगरियाले संविधान, सुशासन र विकासलाई आफ्नो प्रमुख एजेन्डा बनाउँदै चुनावी प्रतिस्पर्धामा उत्रिएको बताएका छन् ।उनले धनुषा–२ का जनताको समस्यालाई संघीय संसदमा सशक्त रूपमा उठाउने प्रतिबद्धता व्यक्त गरेका छन् ।
धनुषा–२ मा विभिन्न दलका उम्मेदवारबीच कडा प्रतिस्पर्धा हुने अपेक्षा गरिएको छ। उम्मेदवारी दर्तासँगै यस क्षेत्रमा चुनावी गतिविधि तीव्र बन्दै गएको छ ।
