काठमाडौं,२ माघ। निर्वाचन आयोगले नेपाली कांग्रेसको विशेष महाधिवेशनलाई कानून र विधानसम्मत ठहर गर्दै औपचारिक मान्यता दिएको छ।
शुक्रबार बसेको आयोग बैठकले विशेष महाधिवेशनबाट चयन भएका पदाधिकारीहरूको विवरण अद्यावधिक गर्ने निर्णय गरेको हो।
यससँगै विशेष महाधिवेशनले गरेका सबै निर्णय वैध भएका छन् भने शेरबहादुर देउवा समूहको दाबी अस्वीकृत भएको छ।
अब पार्टीका प्रत्यक्ष मनोनयनलगायत सम्पूर्ण कामकारबाही गगन–विश्व समूहको निर्णयअनुसार अघि बढ्नेछ। आयोगको निर्णयसँगै देउवा नेतृत्वको पुरानो कार्यसमिति स्वतः अमान्य भएको छ।
यद्यपि असन्तुष्ट पक्षका लागि सर्वोच्च अदालत जाने बाटो खुला छ।
