काठमाडौं, ३० पुस । नेपाल टी–२० महिला विश्वकप ग्लोबल छनोटको ‘वार्मअप’ खेलमा आयरल्यान्डसँग ९९ रनले पराजित भएको छ । बुधबार तल्लो मूलपानी मैदानमा भएको खेलमा नेपाल ब्याटिङ, बलिङ र फिल्डिङ तीनै पक्षमा कमजोर देखियो ।
टस जितेर ब्याटिङ गरेको आयरल्यान्डले २० ओभरमा सात विकेट गुमाउँदै २०१ रन बनायो। लक्ष्य पछ्याएको नेपाल १९ ओभरमै अलआउट हुँदै १०१ रनमै सीमित रह्यो ।
नेपालका लागि कविता जोशीले २८ र विन्दु रावलले २५ रन बनाइन् । आयरल्यान्डतर्फ ओपनर लेविसले ७७ रन र ओर्ला प्रेन्डर्सगास्टले ६२ रन बनाउँदै ठूलो साझेदारीमार्फत टोलीलाई बलियो स्कोरसम्म पु¥याए ।
जनवरी १८ देखि फेब्रुअरी १ सम्म नेपालमै हुने छनोट प्रतियोगितामा १० टोली सहभागी छन् । शीर्ष चार टोलीले इंग्ल्यान्डमा हुने महिला टी–२० विश्वकपमा स्थान बनाउनेछन् । समूह ‘बी’मा नेपाल, थाइल्यान्ड, स्कटल्यान्ड, नेदरल्यान्ड्स र जिम्बाबे रहेका छन् ।
