काठमाडौं, २८ पुस । नेपाली कांग्रेसका महामन्त्री विश्वप्रकाश शर्माले जेनजी आन्दोलनको नेतृत्व गर्ने युवाहरूले आफ्ना गतिविधिबारे आत्मसमीक्षा गर्दै आफ्नो भागको जिम्मेवारी लिनुपर्ने बताएका छन् ।
कांग्रेसको विशेष महाधिवेशनमा प्रस्तुत सांगठनिक प्रतिवेदनमा उनले भदौ २३ गतेको बल प्रयोगबाट युवाको मृत्यु र भदौ २४ गते भएको ध्वंस-दुवै घटनाको निष्पक्ष छानबिन र दोषीमाथि कारबाही हुनुपर्नेमा जोड दिएका छन् ।
शर्माले एक पक्षको घटनालाई प्राथमिकता दिँदै अर्को पक्षलाई बेवास्ता गर्ने प्रवृत्तिले मुलुकलाई पुनः द्वन्द्वतर्फ धकेल्न सक्ने चेतावनी दिएका छन् ।
साथै, कांग्रेस लोकतान्त्रिक मूल्यमा अटल रहेर समयअनुसार एजेन्डामा लचकता अपनाउँदै सुशासन, सद्भाव र समुन्नतिलाई मूल एजेन्डा बनाउने स्पष्ट पारेका छन् ।
