काठमाडौं, १२ पुस । अर्घाखाँचीको शीतगंगा नगरपालिका–११ बोक्सेमा रहेको खाली गोठभित्रबाट प्रहरीले बन्दुक र विस्फोटक पदार्थ फेला पारेको छ ।
डीएसपी दिवसबहादुर जीसीको नेतृत्वमा खटिएको गस्ती टोलीले गोठभित्र लुकाइराखिएको अवस्थामा भरुवा बन्दुक, ग्रिनेड, डेटोनेटर, प्रेसर कुकर बमलगायत विस्फोटक सामग्री बरामद गरेको हो ।
फेला परेका विस्फोटक सामग्री नेपाली सेनाको टोलीले सुरक्षित रूपमा डिस्पोज गरेको प्रहरीले जनाएको छ ।
गोठ लामो समयदेखि खाली रहेको र विस्फोटक कसले राखेको भन्ने खुलेको छैन ।
