एजेन्शी, चुनाव प्रचारका क्रममा गोली हानी हत्या गरिएका बंगलादेशी विद्यार्थी नेता शरिफ उस्मान हादीका हत्यारालाई पक्राउ गर्न इंकलाब मञ्चले बंगलादेश सरकारलाई २४ घन्टे अल्टिमेटम दिएको छ ।
हादीको अन्त्येष्टि कार्यक्रममा बोल्दै मञ्चका सचिव अब्दुल्ला अल जाबेरले हत्यारा पक्राउ नगरे गृह मामिला सल्लाहकार र प्रमुख सल्लाहकारका विशेष सहायकले राजीनामा दिनुपर्ने चेतावनी दिए ।
हादीका भाइ अबू बक्र सिद्दिकीले राजधानीमै दिनदहाडै भएको हत्यापछि पनि हत्यारा पक्राउ नहुनु गम्भीर विषय भएको बताएका छन् । हत्याको विरोधमा ढाकामा आयोजित अन्तिम विदाइ कार्यक्रममा हजारौं मानिस सहभागी भएका थिए ।
घटनाले बंगलादेश–भारत सम्बन्धमा समेत असर पार्न सक्ने आशंका गरिएको छ ।
