काठमाडौं, ६ पुस । पाकिस्तानको विशेष अदालतले पूर्व प्रधानमन्त्री इमरान खान र उनकी पत्नी बुशरा बीबीलाई तोशाखाना भ्रष्टाचार मुद्दामा १७–१७ वर्षको कठोर कारावास सजाय सुनाएको छ ।
साथै दुवैलाई १ करोड ६४ लाख पाकिस्तानी रुपैयाँ जरिवाना तोकिएको छ । साउदी युवराजबाट प्राप्त महँगो आभूषण अत्यन्त कम मूल्यमा खरिद गरी सरकारी ढुकुटीमा क्षति पु¥याएको अभियोगमा उनीहरू दोषी ठहर भएका हुन् ।
इमरान खान हाल रावलपिण्डीस्थित अडियाला जेलमा थुनामा छन् । खान दम्पतीका वकिलहरूले यो फैसला राजनीतिक रूपमा प्रेरित भएको दाबी गर्दै उच्च अदालतमा अपिल गर्ने तयारी गरेका छन् ।
यस फैसलापछि पीटीआई समर्थकहरूले देशका विभिन्न स्थानमा प्रदर्शन जारी राखेका छन् ।
