रुपन्देही, ४ पुष । रुपन्देहीको कञ्चन गाउँपालिका–३ मा १७ वर्षीय किशोर ईशान शर्मा पौडेलको हत्या भएको छ । उनको शव नालीमा फेला परेको हो ।
तेक्वान्दो खेलाडीसमेत रहेका ईशान बुधबार साँझदेखि सम्पर्कविहीन थिए । प्रारम्भिक जानकारीअनुसार विद्यालय परिसरमा एक युवतीको विषयलाई लिएर साथीहरूबीच भएको विवाद हत्या कारण हुन सक्ने आशंका गरिएको छ ।
प्रहरीले घटनामा संलग्न भएको आशंकामा तीन जनालाई नियन्त्रणमा लिएर अनुसन्धान गरिरहेको जनाएको छ ।
