काठमाडौं, ३ पुस । नेकपा (एमाले) का अध्यक्ष केपी शर्मा ओलीले पार्टी नेतृत्वमाथि भौतिक आक्रमण वा जाली मुद्दा लगाउने प्रयास भए देश ठप्प पार्ने र सरकार ढाल्ने चेतावनी दिएका छन् ।
काठमाडौंमा आयोजित शपथग्रहण समारोहपछि कार्यकर्तालाई सम्बोधन गर्दै उनले एमाले नेतृत्वलाई छुन खोजे त्यसको कडा प्रतिकार गरिने बताए ।
ओलीले नेतृत्वविरुद्ध भइरहेको प्रचार, हल्ला र मिडिया ट्रायललाई पञ्चायतकालीन कुकर्मको संज्ञा दिँदै त्यसविरुद्ध सशक्त आन्दोलनका लागि देशभर तयारी अवस्थामा रहन कार्यकर्तालाई निर्देशन दिएका छन् ।
