काठमाडौं, ३ पुस । नक्खु कारागारमा रहेका राष्ट्रिय स्वतन्त्र पार्टीका सभापति रवि लामिछानेलाई शुक्रबार रुपन्देही जिल्ला अदालतमा उपस्थित गराइने भएको छ ।
उच्च अदालत तुलसीपुरको बुटवल इजलासले बिगोबापतको जमानत लिएर रिहा गर्न आदेश दिएपछि उनलाई अदालतमा उपस्थित गराई कागजी प्रक्रिया पूरा गरी रिहा गरिनेछ ।
रविले बैंक जमानत पहिले नै बुझाइसकेका छन् । सुप्रिम सहकारी ठगी प्रकरणमा प्रतिवादी बनाइएका लामिछानेमाथि तोकिएको धरौटी र बिगोबापतको रकम बुझाएपछि उनी रिहा हुनेछन् ।
