काठमाडौं, ३ पुस । जनकपुरमा नेपाल जेसीआईको ५२औँ राष्ट्रिय महाधिवेशनको तयारी पूरा भएको छ ।
पुस ४ देखि ७ गतेसम्म तिरहुतिया गाछीमा हुने महाधिवेशनको उद्घाटन जापानका प्रख्यात व्यवसायी तथा जापान सरकारका पूर्व सल्लाहकार सुजुकीले गर्ने जनाइएको छ ।
महाधिवेशनमा देशभरका १४४ शाखाबाट करिब पाँच हजार सहभागी रहनेछन् । चार दिनसम्म चल्ने महाधिवेशनमा तालिम, विचार–विमर्श तथा विभिन्न कार्यक्रमहरू आयोजना गरिनेछ।
रंगीचंगी बत्ती, कलात्मक मण्डप र जानकी मन्दिरको प्रतिरूपले कार्यक्रम स्थल सजाइएको छ । आयोजकका अनुसार महाधिवेशनले जनकपुरधामको पर्यटन प्रवद्र्धन तथा स्थानीय व्यवसायमा सकारात्मक प्रभाव पार्ने अपेक्षा गरिएको छ ।
महाधिवेशन सञ्चालनका लागि करिब ३ करोड ५ लाख रुपैयाँ खर्च हुने अनुमान गरिएको छ ।
