काठमाडौं, २ पुष । एसियाली विकास बैंक (एडीबी) ले नेपालको सार्वजनिक वित्त व्यवस्थापन प्रणालीलाई सुदृढ बनाउने उद्देश्यले १० करोड अमेरिकी डलर, अर्थात् करिब १४ अर्ब ५९ करोड ५० लाख रुपैयाँ बराबरको सहुलियतपूर्ण ऋण प्रदान गर्ने भएका छन् ।
यस सम्बन्धमा अर्थ मन्त्रालयमा आज आयोजित कार्यक्रममा नेपाल सरकार र एडीबीबीच ऋण सम्झौतामा हस्ताक्षर गरिएको छ । अर्थ मन्त्रालयका अनुसार यो सहायता नीतिमा आधारित ऋण (एयष्अिथ–द्यबकभम ीयबल) का रूपमा उपलब्ध गराइएको हो । ऋणको कुल भुक्तानी अवधि २४ वर्ष रहनेछ भने ८ वर्षको ग्रेस अवधि तोकिएको छ ।
सन् २०३४ फेब्रुअरी १ सम्मको ग्रेस अवधिमा ब्याजदर १ प्रतिशत मात्र रहनेछ भने त्यसपछिको अवधिमा १.५ प्रतिशत ब्याजदर लागू हुने बताए । सम्झौतामा अर्थ सचिव डा. घनश्याम उपाध्याय र एडीबीको नेपालस्थित आवासीय नियोगका निर्देशक आनो कुश्वाले हस्ताक्षर गरेका हुन् ।
