काठमाडौं, २९ मंसिर । पतञ्जली जग्गा सट्टापट्टा अनियमितता प्रकरणमा पूर्व प्रधानमन्त्री माधवकुमार नेपालको मुद्दाले नयाँ मोड लिएको छ ।
विशेष अदालतले २५ मंसिर २०६९ मा भएको मन्त्रिपरिषद्को निर्णय र सम्बन्धित उजुरी फाइल मगाउन आदेश दिएको छ । साथै, सरकारी तथा प्रतिवादी पक्षका साक्षीहरू झिकाएर बकपत्र गराउने निर्णय भएको छ ।
अदालतले यस प्रकरणका निर्णयहरू विशुद्ध नीतिगत हुन् वा होइनन् भन्ने विषय अन्तिम फैसलामा टुंगो लगाइने जनाएको छ ।
