काठमाडौं, २९ मंसिर । नेकपा एमालेको एघारौं महाधिवेशनका लागि केपी शर्मा ओली समूहले पदाधिकारी पदका उम्मेदवारहरूको नाम प्रायः निश्चित गरेका छन् ।
अध्यक्ष पदमा वर्तमान अध्यक्ष केपी शर्मा ओली नै उम्मेदवार रहने भएको छ । महासचिवमा शंकर पोखरेल पुनः दोहोरिने लगभग पक्का भएको छ । उपाध्यक्ष पदका लागि विष्णु पौडेल, रामबहादुर थापा ‘बादल’, गुरु बराल र पृथ्वीसुब्बा गुरुङको नाम टुंगिएको छ ।
यद्यपि, प्रदीप ज्ञवालीलाई पनि उपाध्यक्षको सम्भावित सूचीमा राखिएको भए पनि उनको नामबारे अन्तिम निर्णय भइनसकेको जनाएको छ । यस विषयमा ओली र ज्ञवालीबीच छलफल जारी छ । उपमहासचिव पदमा विष्णु रिमाल, भानुभक्त ढकाल र रघुवीर महासेठको नाम अन्तिम गरिएको बताइए ।
