एजेन्सी, १६ मंसिर । पाकिस्तानका पूर्व प्रधानमन्त्री तथा पीटीआई अध्यक्ष इमरान खानविरुद्ध भइरहेको राजनीतिक तनाव र सम्भावित सुरक्षा जोखिमका कारण इस्लामावाद तथा रावलपिण्डी प्रशासनले धारा १४४ जारी गरेका छन् ।
इमरान खानको स्वास्थ्य र मृत्युसम्बन्धी हल्लाले देशभर अस्थिरता बढ्न सक्ने संकेत देखिएपछि दुवै शहरमा कडा सुरक्षाका साथ सार्वजनिक गतिविधिमा नियन्त्रण लगाइएको हो ।
धारा १४४ लागू रहेकै अवधिमा डिसेम्बर १ देखि ३ तारिखसम्म— ५ वा सोभन्दा बढी व्यक्तिहरू भेला हुने, सभा–समारोह, ¥याली, जुलुस, प्रदर्शन, धर्ना जस्ता गतिविधिलाई पूर्ण प्रतिबन्ध गरिएको छ ।
यससँगै हतियार, लाठी, गुलेली, पेट्रोल बम, विस्फोटक पदार्थ बोक्न नपाइने, लाउडस्पीकरको उपयोग, घृणात्मक वक्तव्य, प्रहरीको सुरक्षा व्यवस्था भंग गर्नेजस्ता गतिविधिमा समेत रोक लगाइएको छ । दुई जना मानिसलाई एउटै मोटरसाइकलमा सवार हुन पनि अनुमति छैन ।
प्रशासनका अनुसार जिल्ला गुप्तचर समितिको प्रतिवेदनले केही समूहहरूले ठूलो सङ्ख्यामा भीड भेला गराई संवेदनशील स्थान र सरकारी भवनहरूमा आक्रमण गर्ने सम्भावना रहेको बताएकोले जनसुरक्षाका लागि कडा कदम चालिएको हो । उनको भनाइमा अदालतले आफ्नै आदेश कार्यान्वयन गर्न नसकेको र जेल प्रशासनले समेत सहयोग नगरेकाले प्रदर्शन अपरिहार्य बनेको हो।
