काठमाडौं, १५ मंसिर । पूर्वराष्ट्रपति विद्या देवी भण्डारीले जेन–जी आन्दोलन (भदौ २३) मा भएको दमन र त्यसपछिका हिंसात्मक घटनाको राजनीतिक तथा नैतिक जिम्मेवारी तत्कालीन प्रधानमन्त्री केपी शर्मा ओलीले लिनुपर्ने बताएकी छन् ।
उनले आन्दोलनको पूर्वसूचना नपाएको भन्दै ओलीले दिएका भनाइ स्वयं नेतृत्वको कमजोरी भएको टिप्पणी गरिन् । २४ गतेको आगजनी, तोडफोड र लुटपाट प्रायोजित हुन सक्ने आशंका व्यक्त गर्दै भण्डारीले घटनाको गम्भीर छानबिन आवश्यक रहेको बताइन् ।
एमाले तथा कांग्रेस नेताहरूका घरमा भएको आक्रमणबारे पनि विशद् अध्ययन गर्नुपर्ने धारणा राखिन् । एमाले महाधिवेशनसम्बन्धी प्रसंगमा उनले ईश्वर पोखरेललाई आगामी अध्यक्ष बनाउन नवौँ महाधिवेशनकै समयमा भद्र सहमति भएको दाबी गर्दै ओली पनि त्यतिबेला सहमत रहेको खुलासा गरिन् ।
पोखरेलले अहिलेसम्म आफूलाई सहयोग माग्न नआएको पनि उनले बताइन् ।
