काठमाडौं, १३ मंसिर । नेपाल प्रिमियर लिग (एनपीएल) सिजन–२ मा सुदूरपश्चिम रोयल्सले अपराजित यात्रालाई जारी राख्दै लगातार पाँचौँ जित हात पारेको छ ।
शनिबार जनकपुर बोल्ट्सले दिएको १४६ रनको लक्ष्य सुदूरपश्चिमले १७.४ ओभरमा ४ विकेटको क्षतिमा पूरा ग¥यो । इसान पाण्डेले ५६ रनको उत्कृष्ट प्रदर्शन गरे भने कप्तान दीपेन्द्रसिंह ऐरी र हर्मित सिंह अविजित रहे ।
यसअघि ब्याटिङ गरेको जनकपुरले २० ओभरमा ८ विकेट गुमाएर १४५ रन मात्र बनाउन सक्यो। सुदूरपश्चिमका अभिनास बोहराले ४ विकेट लिए।
लगातार पाँचौ जितसहित रोयल्स शीर्षमा यथावत् रहँदा साविक विजेता जनकपुर बोल्ट्सले लगातार चौथो हार बेहोर्नुपरेको छ ।
