काठमाडौं, ११ मंसिर । मानवरहित विमान संघ नेपालले नेपालमा भइरहेको अनियमित ड्रोन तथा अन्य पाइलटविहीन खेल–गतिविधिको नियमन गर्न माग गरेको हो ।
युवा तथा खेलकुदमन्त्री बब्लु गुप्तासँग बिहीबार भेट गरी संघका पदाधिकारीहरूले देशका विभिन्न स्थानहरूमा ड्रोन रेसिङ तथा पानी र हावामा संचालन गरिने पाइलटविहीन उपकरणहरू बिना कुनै स्पष्ट मापदण्ड सञ्चालन हुँदै आएको बताएका छन् ।
नेपाल क्रिकेट संघले क्रिकेट खेलको सम्पूर्ण संरचना र व्यवस्थापन सम्हालेजसरी मानवरहित विमान–सम्बन्धी खेल तथा गतिविधिको औपचारिक संरचना संघ जस्ता विशेषज्ञ संस्थाले वहन गर्न सक्ने सुझाव दिइएको संघका महासचिव प्रवीन भट्टराईले जानकारी दिएका छन् ।
