काठमाडौं, १० मंसिर। नेकपा एमालेको एघारौं महाधिवेशनको उद्घाटन समारोह भक्तपुरको सल्लाघारीमा र बन्दसत्र काठमाडौंको भृकुटीमण्डपमा गर्ने निर्णय गरिएको छ।
आज बसेको महाधिवेशन व्यवस्थापन सचिवालयको बैठकले दुवै स्थल टुंगो लगाएको हो। एमाले प्रचार विभाग प्रमुख राजेन्द्र गौतमका अनुसार महाधिवेशन २७ मंसिरदेखि २९ मंसिरसम्म सञ्चालन हुनेछ।
प्रारम्भमा पोखरामा गर्ने निर्णय भए पनि अन्ततः स्थान परिवर्तन गरेर काठमाडौं उपत्यकामा आयोजना गर्ने टुंगो लगाइएको थियो।
