काठमाडौं, ८ मंसिर । प्रधानमन्त्री सुशीला कार्कीका प्रमुख स्वकीय सचिव आदर्शकुमार श्रेष्ठले प्रधानमन्त्रीको सचिवालयमा आफ्नै पत्नी संगीता श्रेष्ठलाई स्वकीय सहसचिव पदमा नियुक्त गरेको खुलासा भएको छ ।
आदर्शले पत्नी भएको स्वीकार्दै विश्वास र गोपनीयताको कारण सचिवालयमा भित्र्याएको दाबी गरेका छन् ।
त्यसै दिन नियुक्त अन्य कर्मचारी—कमला श्रेष्ठ, पुनम श्रेष्ठ र रविना श्रेष्ठ—सहित सबैजना उनका नातेदार परेको तथ्य पनि सार्वजनिक भएको छ ।
आदर्श यसअघि सर्वोच्च अदालतको सूचना प्रविधि महाशाखामा करार कर्मचारी रहेका थिए ।
