सप्तरी, २१ असोज । सप्तरीको अग्निसाइर कृष्णवरन गाउँपालिका अध्यक्ष दिनानाथ चौधरीले आफ्नै खुट्टामा कार्यवाहक वडाध्यक्ष हरि खंगलाई मालिस गराएको भिडिओ भाइरल भएको छ ।
भिडिओ ५ असोजमा गाउँसभा नहुने अडान लिएका अध्यक्षलाई फकाउन खिचिएको हो । खंगले अन्य वडाध्यक्षहरूको आग्रह र दबाबमा अध्यक्षको खुट्टा दबाएको बताए ।
परिषद् सम्पन्न नभए दशैंअघि तलब–भत्ता नपाउने चिन्ताले यस्तो कदम चालिएको उनले बताए । यस घटनाले पालिकामा तानाशाही शैलीमा काम भएको भन्दै आलोचना निम्त्याएको छ ।
उपाध्यक्ष कल्पना चौधरीसहित अन्य जनप्रतिनिधिहरूले भिडियो सामाजिक सञ्जालबाट थाहा पाएको बताएका छन् ।
