काठमाडौं, २५ साउन । जनता समाजवादी पार्टी (जसपा), नेपालका अध्यक्ष उपेन्द्र यादवले दक्षिण एशियाली क्षेत्रीय सहयोग संगठन (सार्क) पुनः सक्रिय हुनेमा गम्भीर शंका व्यक्त गरेका छन् ।
आइतबार राजधानी काठमाडौंमा आयोजित एक कार्यक्रमलाई सम्बोधन गर्दै उनले सार्क संस्थालाई हाल ‘कोमामा गएको’ अवस्था रहेको टिप्पणी गरेका हुन् ।
सार्क त अब मरिसक्यो भनेर भन्नु उपयुक्त हुँदैन, तर यो अहिले कोमामा छ,” अध्यक्ष यादवले भने, “फर्किने हो कि होइन भन्ने कुरा ठेगान छैन, तर यसको आवश्यकता भने अझै पनि उत्तिकै छ ।
उनका अनुसार दक्षिण एशियाली मुलुकहरूबीचको क्षेत्रीय समन्वय, सहकार्य र साझा समस्या समाधानका लागि सार्क महत्वपूर्ण प्लेटफर्म हो ।
उनले क्षेत्रीय आतंकवाद नियन्त्रण तथा काउण्टर टेररिजम प्रयासहरूमा सार्कको भूमिकाको चर्चा गर्दै भने, “साउथ एशियामा टेररिजम प्रोटेक्सनको कुरा उठेको हो, टेररिजम विरुद्धको सहयोग आवश्यक छ।
तर यसको लागि आर्थिक सहयोगको दुरुपयोग नहोस् भन्ने कुरा सुनिश्चित गर्नुपर्छ । यादवले कुनै पनि मुलुक वा संस्थाले आतंकवादी गतिविधिलाई प्रत्यक्ष वा अप्रत्यक्ष रुपमा समर्थन गर्ने कार्य अस्वीकार्य रहेको उल्लेख गर्दै, आतंकवाद नियन्त्रणका लागि सबै देशहरू एकजुट भएर अघि बढ्नुपर्ने आवश्यकता औंल्याए ।
उनले क्षेत्रीय सहयोगका लागि सार्कको विकल्प अझै नभएको पनि दोहो¥याए। “यो रिजनल कोअपरेसन एन्ड कोर्डिनेसन हो, यसलाई पुनः सक्रिय गर्न चाहिने पहल हुनुपर्छ,” उनले जोड दिए ।
