काठमाडौं, १५ फागुन । जनता समाजवादी पार्टी, नेपाल (जसपा नेपाल)ले सरकारले संसद्मा प्रस्तुत गरेको भूमि सम्बन्धी अध्यादेशबारे बृहत् अन्तरक्रिया गर्ने भएको छ ।
जसपा नेपालनिकट बौद्धिक पेशाकर्मी महासंघ नेपालले विभिन्न राजनीतिक दलका शीर्ष नेता र विज्ञको सहभागितामा भूमि सम्बन्धी अध्यादेशउपर बृहत् अन्तरक्रिया गर्न लागेको हो ।
यसैगरी, एकीकृत समाजवादी पार्टीका अध्यक्ष एवं पूर्वप्रधानमन्त्री माधवकुमार नेपाल, नेपाल समाजवादी पार्टी (नयाँ शक्ति)का अध्यक्ष एवं पूर्वप्रधानमन्त्री डा. बाबुराम भट्टराई, लोकतान्त्रिक समाजवादी पार्टीका अध्यक्ष महन्थ ठाकुर, जसपा नेपालका उपाध्यक्षद्वय राजकिशोर यादव र मृगेन्द्र सिंह यादवलाई पनि प्रमुख वक्ताको रूपमा आमन्त्रण गरिएको आयोजकले जनाएको छ ।
सरकारले ल्याएका ६ वटा अध्यादेशमध्ये भूमि सम्बन्धी अध्यादेश राष्ट्रको हितमा नरहेको भन्दै गर्दै जसपा नेपालले त्यसको विपक्षमा मतदान गर्ने यसअघि नै औपचारिक निर्णय गरिसकेको छ ।
