जनकपुर, २८ पौंस । जनमत पार्टीका केन्द्रीय सदस्य एवं महोत्तरी क्षेत्र न ३ (ख) का प्रदेशसभा प्रत्याशी दीपेन्द्र मधेशीसहित जनमतका दर्जनौं नेता कार्यकर्ता जसपा नेपालमा प्रवेश गरेका छन् ।
आइतबार जनकपुरस्थित जसपा नेपालको पार्टी कार्यालयमा आयोजित एक कार्यक्रममा पूर्वउपप्रधानमन्त्री तथा जसपा नेपालका राष्ट्रिय अध्यक्ष उपेन्द्र यादवको विशेष उपस्थितिमा जनमत पार्टी पार्टीका नेताहरू प्रवेश गरेका हुन् ।
जनमत पार्टीका युवा नेताहरू सुभाष मिश्रा, लव ठाकुर, बैदप्रकाश यादव, नवीन यादव, गोपाल यादव, राम अनेक यादव, अनिल यादव, रामजनय यादव, प्रशान्त यादव, नरेश यादवलगायतका नेता प्रवेश गरेका छन् ।
यादवले नव प्रवेशीहरूलाई माला, अबिर, गम्छा लगाएर स्वागत गरेका थिए ।
