काठमाडौँ, २६ पौस । काठमाडौँमा एक जेसीबीले ठक्कर शुक्रबार एक जनाको मृत्यु भएको छ ।
नागार्जुन नगरपालिका ६ ह्वाईट गुम्बा नजिकै सडकमा बा २ क ६०८८ नम्बरको जेसीबीको ठक्करबाट सोही नगरपालिका ६ बस्ने पंचकुमारी तामाङकी छोरी ११ वर्षीया अनुसा तामाङको शुक्रबार दिउँसो मृत्यु भएको हो ।
ठक्करबाट गम्भीर घाइते भएको उनको त्रिवि शिक्षण अस्पताल महाराजगंजमा उपचारको क्रममा मृत्यु भएको प्रहरीले जानकारी दिएको छ । प्रहरीले जेसीबी चालकलाई नियन्त्रणमा राखिएको छ ।