काठमाडौँ, १८ पौष । गृहमन्त्री रमेश लेखकले सरकारको प्राथमिकता नै भ्रष्टाचार नियन्त्रण र सुशासन कायम राख्नु रहेको जनाएको छ ।
विहिवार संसदको राज्य व्यवस्था समितिको बैठकमा बोल्दै उनले सरकारको प्राथमिकता नै भ्रष्टाचार नियन्त्रण रहेको हो । उनले भने, ‘सरकारको प्राथमिकता नै भ्रष्टाचार नियन्त्रण हो ।’ भ्रष्टाचार नियन्त्रणका लागि सरकारलाई सहयोग गर्न उनको आग्रह छ ।
‘काम गर्ने वातावरण पनि चाहिन्छ ।’ उनले भने, ‘यसकारण सरकारलाई वश्वास गर्नुपर्छ,’ उनको प्रश्न छ, ‘आवधिक निर्वाचनबाट आएको सरकारलाई विश्वास नगरेर कसलाई गर्ने ? विश्वास गर्नुपर्छ ।’ उनले भ्रष्टाचारको अनुसन्धानमा कुनै हदम्याद नहुने पनि बताए ।
‘भ्रष्टाचारको अनुसन्धानमा कुनै हदम्याद रहँदैन । जहिलेसुकै अनुसन्धान हुन सक्छ’, बिहीबार संसदको राज्य व्यवस्था समितिको बैठकमा उनले भनेको हो ।
