जनकपुरधाम, ३० मंसिर । सीताराम विवाहपञ्चमी महोत्सव अन्तर्गत पाँचौ दिन शनिबार मटकोर विधि सम्पन्न भएको छ ।
जानकी मन्दिरको प्राङ्गणबाट बाजागाजासहित विहेको वेदी बनाउन जनकपुरधामको ऐतिहासिक गंगासागर पोखरीमा माटो ल्याउन पुगेका थिए । मटकोर विधिको क्रममा लगिएको माटोबाट सीताराम विवाहका लागि मडवा निर्माण गरिने छ । 
पोखरीबाट जानकी मन्दिर भित्रियाइएको माटोले सीताराम विवाहका लागि वेदी तयार गर्ने चलन रहेको छ । मटकोरको क्रममा सेभ हिस्टोरिकल जनकपुरधामले प्रत्येक दिन आयोजना गर्ने गंगा आरतीको समेत आयोजना गरेको थियो । 
सो अवसरमा जानकी मन्दिरका सहायक महन्थ रामरोशन दास वैष्णव लगायत श्रद्धालुहरुको सहभागिता रहेको थियो ।
