जनकपुरधाम, मंसिर २६ । जनकपुरधाममा सप्ताहव्यापी रुपमा मनाइने सीताराम विवाहपञ्चमी महोत्सव आजदेखि विधिवत सुरु भएको हो ।
त्रेता युगमा भगवान राम र आदर्श नारी सीताबीच विवाह भएको स्मरणमा प्रत्येक वर्ष विवाहपञ्चमी महोत्सव मनाउने गरिन्छ । भने विवाहपञ्चमी महोत्सवको पहिलो दिन आज नगरदर्शन रहेका सह महन्त रामरोशन दासले बताउनु भएको छ ।
आजको दिन जानकी मन्दिर प्रांगणमा बालबालिकालाई राम र लक्ष्मणको स्वरुप बनाइ घुमाउने गरिन्छ । र आज अपराहन्न ४ बजे नगरदर्शन गर्ने कार्यक्रम रहेको मन्दिरका सह महन्त दासले जानकारी दिए ।
पहिलो दिन नगरदर्शन, दोश्रो दिन फूलबारी लीला, तेश्रो दिन धनुष यज्ञ, चौथो दिन तीलकोत्सव, पाँचौ दिन मंसिर ३० गते मटकोर र पुस १ गते रामसीता स्वयंवर तथा विवाह कार्यक्रम हुनेछ ।
महोत्सवको अन्तिम दिन पुस २ गते रामकलेवा गरी अयोध्याबाट जन्तीको रुपमा आएका साधुशन्तको विदाई गरेपछि विवाहपञ्चमी महोत्सव विधिवत समापन हुने सह महन्त दासले बताए ।
