पर्सा, १८ मंसिर । प्रतिबन्धित लागूऔषधसहित तीनजना युवकलाई पर्सा प्रहरीले पक्राउ गरेको छ ।
पक्राउ पर्नेहरुमा मकवानपुरको हेटौडा उपमहानगरपालिका वडा नं.१ बस्ने २४ वर्षीय समिप श्रेष्ठ, २८ वर्षीय सुवास पौडेल, हेटौडा १४ मयूरधाप बस्ने २८ वर्षीय साजन पौडेल रहेको जिल्ला प्रहरी कार्यालय पर्साले जनाकारी दिएको छ ।
शुक्रबार साँझ वीरगञ्ज महानगरपालिका १६ रजतजयन्तीचोक स्थित सडकखण्डमा लागु औषध नियन्त्रण व्यूरो शाखा कार्यालय पर्सा र जिल्ला प्रहरी कार्यालय मातहत प्रहरी चौकी ईनर्वा पर्साबाट खटिएको संयुक्त चेकिङ टोलीले भारतबाट वीरगञ्जतर्फ आउने सवारी साधन तथा पैदल यात्रीहरूलाई चेकजाँच गर्ने क्रममा ना.३० प ७७४६ नम्बरको स्कुटीलाई रोकी चेक गर्दा लागु औषध खैरो हिरोइन जस्तो देखिने सेतो पदार्थ ०.६२० मि. ग्राम बरामद गरेको प्रहरीले जनाएका छन् ।
