जनकपुरधाम, १६ मंसिर । धनुषामा श्रीमतीलाई कुटपिट गरी हत्या गर्ने धम्की दिने सबैला नगरपालिका ८ ठिल्ला बस्ने ५१ वर्षीय रामईश्वर ठाकुर पेस्तोलसहित पक्राउ परेको छ ।
ठाकुरले शुक्रवार साँझ साढे ५ बजेको समयमा आफ्नै श्रीमती ५० वर्षीया रामकाशी देवी ठाकुरलाई कुटपिट गर्ने र हतियार देखाई ज्यान मार्ने धम्की दिइरहेको बेला धनुषा प्रहरीले पक्राउ गरेको बताए ।
सूचना पाएपछि इलाका प्रहरी कार्यालय सबैला धनुषाबाट पुगेको प्रहरी टोलिले उनको शरीर तथा घर खानतलासी गर्दा ९ ईन्च लम्बाई भएको कटुवा पेस्तोल बरामद गरेको छ ।
ठाकुरलाई नियन्त्रणमा लिएर थप अनुसन्धान भईरहेको प्रहरीले जनाएको छ ।
