सप्तरी, ११ मंसिर । कटुवा पेस्तोल र गोली सप्तरीमा सशस्त्र प्रहरीले बरामद गरेको छ । सप्तरीको बलान–बिहुल गाउँपालिका–४, वेल्हीबाट आइतबार पेस्तोलसहित दुई राउन्ड गोली बरामद गरेको सशस्त्र प्रहरीले जनाएको छ ।
मोटरसाइकलमा नेपालबाट भारततर्फ जाँदै गरेका व्यक्तिले बीओपी बेल्हीको टोलीलाई देख्नासाथ उनीहरूले बोकेको कपडाको पोका छाडी फरार भएका थिए ।
फरार भएपछि सो पोका चेकजाँच गर्दा कटुवा पेस्तोल र गोली फेला परेको सशस्त्र प्रहरी नायव उपरीक्षक शैलेन्द्र थापाले बताए ।
