काठमाडौँ, ७ मंसिर । उच्च अदालतका नवनियुक्त ६ मुख्य न्यायाधीशले शपथ लिएका छन् ।
बिहीबार सर्वोच्च अदालतमा आयोजित एक समारोहबीच उनीहरूले प्रधानन्यायाधीश विश्वम्भरप्रसाद श्रेष्ठसमक्ष शपथ लिएका छन् ।
न्यायपरिषद्ले उच्च अदालतका न्यायाधीशहरू लोहितचन्द्र शाह, माधव पोखरेल, रमेशप्रसाद राजभण्डारी, श्रीकान्त पौडेल, नित्यानन्द पाण्डे र शान्तिसिंह थापालाई मुख्य न्यायाधीशमा नियुक्तिका लागि सिफारिस गरेको थियो ।
प्रधानन्यायाधीश श्रेष्ठले मुख्य न्यायाधीशमा नियुक्त गरेलगत्तै उनीहरूले शपथ लिएका हुन् । यस्तै, उनीहरूको पदस्थापन पनि भएको छ ।
शाहलाई सुर्खेत, पोखरेललाई पोखरा, राजभण्डारीलाई विराटनगर, पौडेललाई जनकपुर, पाण्डेलालाई तुल्सीपुर र थापालाई दीपायल पदस्थापनका लागि सिफारिस गरिएको हो ।
