जनकपुरधाम, २३ कार्तिक । महोत्तरीबाट गत मंगलबारदेखि बेपत्ता भएका पाँच जना किशोरी बिहिवार धनुषाको ढल्केवरमा फेला परेका छन् ।
बाहिर जान लागेको बेला स्थानीयले रोकेर प्रहरीलाई जिम्मा लगाएको छ । अभिभावक बोलाएर जिम्मा लगाइने इलाका प्रहरी कार्यादय ढल्केवरका प्रहरी निरीक्षक राजकिशोर साहले जानकारी दिए ।
गत मंगलबार बिहान ११ बजेदेखि महोत्तरीको औरही नगरपालिका–२ की १६ वर्षीया बसन्ती सदा, १६ वर्षीया प्रतिमा सदा, १८ वर्षीया संगीता सदा, १५ वर्षीय राजन सदा, २० वर्षीय रूवी सदा सम्पर्कबिहीन भएका थिए ।
